നികുതി ഒഴിവു അനുവദിക്കുന്നതിനുള്ള അധികാരം

നികുതി ഒഴിവു അനുവദിക്കുന്നതിനുള്ള അധികാരം

കേന്ദ്ര അഥവാ ഒരു സംസ്ഥാന ഗവണ്‍മെന്‍റിന്, പൊതു താല്‍പര്യത്തിനു വേണ്ടി അങ്ങനെ ചെയ്യുന്നത് ആവശ്യമെന്നു തൃപ്തിയായാ ല്‍, അതിന്, കൌണ്‍സിലിന്‍റെ ശുപാര്‍ശയില്‍, വിജ്ഞാപനം വഴി, കേവലമായോ വിജ്ഞാപനത്തി ല്‍ വ്യക്തമാക്കുന്ന തരം ഉപാധികള്‍ക്ക് വിധേയമായോ നിര്‍ദ്ദിഷ്ട ഇനം ചരക്കുകള്‍ക്ക്‌ അഥവാ സേവനങ്ങള്‍ക്ക് അഥവാ രണ്ടിനും കൂടി ചുമത്താവുന്ന നികുതി മുഴുവനായോ ഏതെങ്കിലും ഭാഗികമായോ, വിജ്ഞാപനം ഇറക്കുന്ന ദിവസം മുതലോ പറഞ്ഞ വിജ്ഞാപനത്തില്‍ വ്യക്തമാക്കുന്നതു പോലെ അതിനു ശേഷമുള്ള ഏതെങ്കിലും ദിവസം മുതലോ, പൊതുവായി ഒഴിവാക്കാം.

വിശദീകരണം: ഉ.വ.(1) പ്രകാരം ചരക്കുകള്‍ക്ക് അഥവാ സേവനങ്ങള്‍ക്ക് അഥവാ രണ്ടിനും കൂടി ചുമത്താവുന്ന നികുതി മുഴുവനായും കേവലമായി ഒഴിവ് അനുവദിച്ചിരിക്കുമ്പോള്‍, അത്തരം ചരക്കുകളോ സേവനങ്ങളോ അഥവാ രണ്ടും കൂടിയുമോ കൊടുക്കുന്ന നികുതിദായക ന്‍ അത്തരം ചരക്കുകള്‍ക്കും സേവനങ്ങള്‍ക്കും അഥവാ രണ്ടിനും കൂടിയും ഉള്ള നികുതി നല്‍കേണ്ടതില്ല.

[വ. 11 (1)]

കേന്ദ്ര അഥവാ ഒരു സംസ്ഥാന ഗവണ്‍മെന്‍റിന്, പൊതു താല്‍പര്യത്തിനു വേണ്ടി അങ്ങനെ ചെയ്യുന്നത് ആവശ്യമെന്നു തൃപ്തിയായാ ല്‍, അതിന്, കൌണ്‍സിലിന്‍റെ ശുപാര്‍ശയില്‍, ഓരോ കേസിലും പ്രത്യേക ഉത്തരവ് വഴി, അത്തരം ഉത്തരവില്‍ പറയുന്ന തരം സവിശേഷ സാഹചര്യങ്ങളി ല്‍, നികുതി ചുമത്താവുന്ന ഏതെങ്കിലും ചരക്കുകള്‍ക്ക്‌ അഥവാ സേവനങ്ങള്‍ക്ക് അഥവാ രണ്ടിനും കൂടി അടയ്ക്കേണ്ട നികുതി ഒഴിവാക്കാം.

[വ. 11 (2)]

കേന്ദ്ര അഥവാ ഒരു സംസ്ഥാന ഗവണ്‍മെന്‍റിന്, ഉ.വ.(1) പ്രകാരം ഇറക്കിയ ഏതെങ്കിലും വിജ്ഞാപനം അഥവാ  ഉ.വ.(2) പ്രകാരം ഇറക്കിയ ഏതെങ്കിലും ഉത്തരവിന്‍റെ വ്യാപ്തി അഥവാ പ്രായോഗികത വ്യക്തമാക്കാനുള്ള ആവശ്യങ്ങള്‍ക്ക് വേണ്ടി ചെയ്യുവാ ന്‍ അവശ്യമെന്നോ യുക്തമെന്നോ അത് പരിഗണിക്കുന്നെങ്കി ല്‍, ഉ.വ.(1) പ്രകാരം ഇറക്കിയ ഏതെങ്കിലും വിജ്ഞാപനം അഥവാ  ഉ.വ.(2) പ്രകാരം ഇറക്കിയ ഏതെങ്കിലും ഉത്തരവിനു ശേഷം ഒരു വര്‍ഷത്തിനുള്ളി ല്‍ ഏതു സമയത്തും വിജ്ഞാപനം വഴി, വിജ്ഞാപനം അഥവാ ഉത്തരവ്, ഏതാണോ അതില്‍, ഒരു വിശദീകരണം ചേര്‍ക്കുകയും അത്തരം ഓരോ വിശദീകരണവും ആദ്യത്തെ വിജ്ഞാപനം അഥവാ ഉത്തരവ് ഏതാണോ അതിന്‍റെ ഭാഗം എപ്പോഴും ആയിരുന്നതുപോലെ ബാധകമാകുകയും ചെയ്യും.

[വ. 11 (3)]

ഉ.വ.(1) അഥവാ ഉ.വ.(3)  പ്രകാരം ഇറക്കിയ ഓരോ വിജ്ഞാപനവും അഥവാ ഉ.വ.(2) പ്രകാരം ഇറക്കിയ ഓരോ ഉത്തരവും:

(a) മറിച്ചു വ്യവസ്ഥ ചെയ്തില്ലെങ്കില്‍, കേന്ദ്ര അഥവാ ഒരു സംസ്ഥാന ഗവണ്‍മെന്‍റ് ഔദ്യോഗിക ഗസറ്റില്‍ അത് പ്രസിദ്ധീകരണത്തിനു ഇറക്കുന്ന ദിവസം
അഥവാ അതില്‍ വ്യക്തമാക്കുന്നതു പോലെ അത് ഇറക്കുന്നതിനു ശേഷമുള്ള ഏതെങ്കിലും ദിവസം മുതല്‍, പ്രാബല്യത്തി ല്‍ വരും.

(b) കേന്ദ്ര അഥവാ ഒരു സംസ്ഥാന ഗവണ്‍മെന്‍റിന്‍റെ ഡിപാ ര്‍ട്ട്മെന്‍റിന്‍റെ ഔദ്യോഗിക വെബ്സൈറ്റില്‍ പ്രാപ്യമാക്കും.

[വ. 11 (4)]

 #GST , #Malayalam

[Revised January 18, 2017 based on Model GST Law published in November 2016]